“Dalin ca plaka të këqija dhe bllokojnë punimet” vëllai i pronarit që do të ndërtojë thertoren në Laknas ofendon protestuesit

Banorët e zonës së Laknasit në Kamëz janë ngritur ditën e sotme në një protestë për mbrotjen e zonës së pyllëzuar në afërsi të banesave të tyre.

Sipas tyre, aty kanë vendosur që të ndërtojnë një thertore derrash, dhe lejen pronari i firmës Bledar Daci e ka marrë nga kryebashkiaku Xhelal Mziu, megjithëse ajo është një zonë pyjore.

Vëllai i pronarit të thertores që do të ndërtohet në atë zonë, Arben Daci, ishte i pranishëm në vendngjarje, ku u pyet nga gazetarët se si qendron e vërteta.

Daci përdori një gjuhë të ashpër dhe ofenduese ndaj protestuesve femra, ku u drejtua se ato janë “thjeshtë disa plaka të kqija që po bllokojnë punimet”.

“Kemi bërë projekt. Çohen dy veta aty dhe bllokojnë punën.Ne kemi folur me banorët, me dy tre persona që nuk kanë pasur pretendime. Këtu nuk po ndërtohet një biznes.“- u shpreh Daci.

Gazetarja: Pse nuk vjen vetë pronari, Bledar Daci, por vini ju i vëllai?

“Vij edhe unë do vijë nesër ai. Ne jemi në të drejtën tonë, sipas ligjit dhe kemi zbatuar të gjitha procedurat që ka shteti. Nga ish-kryetari e kemi marrë lejen. Kemi biseduar është në ligj. Është agroturizëm. Sipas letrave është 1.2 hektar. Kam biseduar me disa banorë, nxisin gratë që të bllokojnë punimet. Ne kemi folur hapur. Nuk fshihemi. Unë jam vetë prezent. Është e pavërtetë. Dalin dy tre plaka të kqija aty dhe ulen duke pengu.”- u shpreh Arben Daci.