Florian Musai, autori i dyshuar i plagosjes së Gjon Pelivanit u vetëdorëzua mbrëmjen e djeshme në drejtorinë e policisë Tiranë në praninë e avokatit të tij.
Burime pranë policisë bënë me dije se ai ka pohuar se nuk ka dashur të vrasë njeri por ka qëlluar për vetëmbrojtje. Kanë qenë 4 persona qe janë futur në lokal të armatosur.
Pelivani së bashku me 3 miq të tij që janë në kërkim. Njëri prej tyre është konfliktuar me kamarierin e lokalit dhe në atë moment ka ndërhyrë Florian Musai.
Njëri prej personave të armatosur i ka drejtuar armën në kokë Florianit ndërsa ky i fundit ia ka marrë nga dora.
Ai ka treguar në polici se arma nuk ishte e tij por e njërit prej personave që hyri në lokal.
Ai ka thënë se nuk ka dashur ta vrasë por e ka qëlluar për vetëmbrojtje. E gjithë ngjarja ka ndodhur jashtë derës së lokalit.
Policia ka kqyrur edhe pamjet e kamera të sigurisë së lokalit nga ku janë vërejtur edhe Gjon Pelivani së bashku me miqtë e tij teksa futen brenda i është vërejtur arma që mbante në brez.
(F.G/Faxweb)
