Emri i regjisorit Harvey Winstein është në qendër të mediave kudo në botë, për shkak të akuzave ndaj tij se ka ngacmuar seksualisht disa aktore të Hollywood. Deri më tani janë 27 aktore të Holliwood-it të cilat kanë zgjedhur rrjete të ndryshme sociale apo dhe me median kanë rrëfyer se janë ngacmuar seksualisht nga producenti. Deklaratat e tyre të forta kanë bërë që hetimet rreth tij të jenë më të thella .
Disa nga aktoret që kanë folur janë Mira Sorvino, Lucia Evans, Asia Argento, Ambra Battilana Gutierrez, , Emily Nestor, Cara Delevingne, Kate Beckinsale, Heather Graham, Léa Seydoux
Kate Beckinsale
Aktorja deklaroi në Instagramin e saj ditën e enjte se ajo është thirrur për tu takuar me Harvey Weinstein në hotelin Savoy kur ishte 17 vjeç.
Heather Graham
Aktorja e “Nights Boogie” shkroi se I është ofruar të marrë pjesë në një nga filmat e tij vetëm nëse kjo e fundit pranon të kalojë një natë me të.
Cara Delevingne
Aktorja tha në mediat sociale të mërkurën se ajo kishte dy incidente të papërshtatshme me Weinstein.Delevingne, e cili ka pohuar se ajo është biseksuale, pretendoi se Weinstein dikur e kishte thirrur për ta këshilluar atë për për biseksualitetin që ajo kishte për të mirën e karrierës së saj. Ajo gjithashtu pohoi se një vit pas kësaj “thirrjeje të çuditshme dhe të pakëndshme”, Weinstein e ftoi atë në një dhomë hoteli pas një takimi biznesi për një film të ardhshëm, ku ajo pretendon se i kërkoi asaj të puthte një grua tjetër para se të bënte një lëvizje seksuale vetë. Ajo e refuzoi atë dhe u largua.
Léa Seydoux
Aktorja franceze shkroi në “The Guardian” se edhe ajo ka pas një incident me producentin kur e ftoi atë në “dhomën e tij të hotelit për një pije”.
Policia amerikane dhe e Britanisë kanë nisur zyrtarisht hetimet për akuzat ndaj regjisorit Harvey Weinstein, së fundmi kanë dalë fakte të reja për sjelljet e tij ngacmuese që datojnë që në vitet 1980. Sigurisht që Weinstein pavarësisht se disa ditë më parë kërkoi falje për sjellje të papërshtatshme, mohon akuzat se ka kryer ngacmime seksuale, aq më tepër për përdhunime.
(B.N/Shuplaka)
