60-vjecari i ekzekutuar mbremjen e sotme në fshatin Rukaj të Matit është vrarë në gardhin rrethues të shtepisë.
Po ashtu ndërsa dyshohet se autorët kane komunikuar me viktimën dhe pasi ka dalë nga banesa për të parë se kush e kërkonte, persona të paidetifikuar brenda një makine e kanë qëlluar.
Dyshohet se shkak i vrasjes së 60-vjeçarit Hajredin Lleshi është hasmëria, pasi më parë atij i kishin vrarë edhe vëllanë.
Bëhet me dije se në sallën operative të Komisariatit të Policisë Mat, ka telefonuar një djalë dhe ka thënë se “Në fshatin Rukaj, persona të pa njohur me një automjet, më kanë vrarë babain”.
Menjëherë pas këtij informacioni janë nisur forca të shumta policie në drejtim të fshatit Rukaj, për verifikimin e telefonatës ku ka rezultuar se:
Persona të panjohur duke përfituar edhe nga errësira, në oborr të banesës kanë vrarë me armë zjarri shtetasin H.Ll, rreth 60 vjeç dhe janë larguar me shpejtësi me një automjet ende të paidentifikuar.
Nga ana e Policisë janë ngritur pika të shumta kontrolli dhe po krehet zona për identifikimin dhe kapjen e autorëve të implikuar në këtë ngjarje.
Paraprakisht dyshohet se vrasja është kryer për hasmëri. Viktimën Hajredin Lleshi e kanë thirrur në emër që dil.
Sa ka dalë në oborr jashtë dere e kanë qëlluar me automatik tre ose katër here. Dhe autorët duke përfituar nga erresira janë larguar në drejtim të Rreshenit. Në të gjitha akset edhe në rrugën e kombit janë ngritur pika kontrolli.
(M.D/Shuplaka)
