Historiani Arben Llalla ka publikuar disa foto në rrjetet sociale, ku pretendon se ka zbuluar shtëpinë e re që po ngre kryeministri Edi Rama në Dhërmi. Sipas historianit shtëpia e kryeministrit ndodhet në afërsi të Kishës së Shën Thanasit.
“Kjo është shtëpia e re e Edi Ramës në Dhërmi të Himarës që po përfundohet ngjitur me Kishën e Shën Thanasit”, shkruan Llalla bashkëngjitur fotove.
Në rast se kjo do të rezultojë e vërtetë, atëherë kryeministri duket se ka gjetur vendin se ku do të jetojë në vitet e pensionit të tij, pasi edhe më herët e ka shprehur se jugu i Shqipërisë është një nga vendet që ai pëlqen më së shumti.
Discussion about this post