Do të shiten në ankand letrat e Albert Ajnshtajnit që janë dërguar nga ai për kolegët, duke u shprehur në to reflektimet e tij për fizikën, Zotin dhe Izraelin gjatë viteve ’50. Këto letra do të shiten në Jeruzalem më 20 qershor të këtij viti.
Janë 5 letra të cilat janë shkruar në anglisht në vitet 1951-1954. Vlerësimi aktual i vlerës së tyre varion mes 31 000 dollarëve (rreth 27 600 euro) dhe 46 000 dollarëve (rreth 41 000 euro).
Në një letër dërguar në vitin 1951 fizikantit të shquar David Bohm, Ajnshtajni diskuton për lidhjen e vendosur nga Bohm mes teorisë së kuantitetit dhe teorisë së relativitetit.
“Duhet të pranoj se nuk jam në gjendje të gjej se si një bashkim i tillë mund të jetë arritur”, shkruan Ajnshtajni.
Në një letër në vitin 1954 për Bohm, i cili jetonte në Sao Paulo, Ajnshtajni shpreh empatinë përballë vështirësive të mikut të tij lidhur me punën e tij teorike komplekse.
“Nëse Zoti ka krijuar botën, shqetësimi kryesor i tij nuk ishte ta bënte aftësinë e tij të lehtë për ne. E ndjej këtë me forcë që prej 50 vitesh”, shkruan ai.
Shtëpia e ankandeve “Winners” theksoi se letrat vinin nga trashëgimia e vejushës së vdekur të Bohmit.
(J.V/Shuplaka)
Discussion about this post