Dalin PAMJET e sulmit ndaj tre policëve me çekiç në Paris

Këto janë pamjet kur 40-vjeçari algjerian sulmon tre punonjës policie përpara katedrales së famshme të Parisit, Notre Dame.

Farid Ikken, 40 vjeç, me prejardhje algjeriane, është identifikuar si sulmuesi që doli dje nga një turmë turistësh dhe goditi me çekiç tre oficerë policie.

Regjistrimet e kamerave të sigurisë tregojnë momentin kur ai  bërtet “Kjo është për Sirinë”.

Ikken, i cili mbante thika kuzhine dhe një çekiç, u dërgua më pas në spital me lëndime, pasi u qëllua me armë nga forcat e rendit.

Një video e tij duke premtuar besnikërinë ndaj ISIS u gjet më vonë në banesën e tij pas një bastisjeje nga policia anti-terror në Cergy-Pontoise. (M.D/Shuplaka)