Ish-deputetja e PD-së Dhurata Çupi është shoqëruar sot në polici së bashku me kreun e FRPD-së në Mat Denisa Vata pas incidenteve të dhunshme në KZAZ-të e qarkut Mat.
Por sipas deklaratës së Policisë ky ishte një lajm i rremë piasi ish-deputetja nuk ishte shoqëruar.
Ka qenë vetë Çupi ajo që e ka përgënjeshtruar këtë deklaratë ku përmes një foto të siguruar nga Faxweb.al, shikohet në një makinë, e shoqëruar nga dy persona të maskuar që mendohet të jenë efektivë të Forcave Speciale.
Ish-deputetja ka dalë nga komisariati i Burrelit. Ndryshe nga sa thotë policia, ajo u shoqërua nga dy persona me meska në një furgon policie, bashkë me kryetaren e FRPD Burrel Denisa Vata.
Burimet për faxweb.al bëjnë me dije se ish-deputetja Çupi dhe kryetarja e FRPD-së Vata janë shoqëruar për t’u marrë në pyetje në lidhje me incidentet e dhunshme në KZAZ-në nr 16 në Burrel dhe atë 17 në Klos ku qytetarët hynë me forcë dhe nxorën jashtë materialet zgjedhore dhe u vunë më pas flakën.
Disa qytetarë mbetën të plagosur në këto konfrontime, ndërsa në gjendje kritike për jetën është vëllai i kryetarit të PD-së n Mat, Alfred Lika (lexo).
(F.GJ/FAXWEB.AL)
Discussion about this post