Publikohet videoja e momentit kur policia arrin të kapë një të ri, 22-vjeçar që lëvizte me një “Range Rover” në Kamëz, pasi kishte përplasur një kalimtar në Kodër Kamëz.
Në videon e Policisë tregohet momenti kur efektivët e policisë flasin në telefon me eprorët e tyre dhe sqarojnë se kanë arritur ta kapin shoferin problematik në afërsi të Unazës së Re.
Pas kontrollit të imtësishëm në mjetin e E. Gj., policia gjeti edhe një sasi lënde narkotike.
Policia e kryeqytetit konstatoi gjithashtu se ky person që la një person të shtrirë në rrugë, pa i dhënë ndihmën e parë, ndër të tjera ishte edhe nën efektin e alkoolit. (M.D/ Shuplaka)
