“TV Zjarr” ka nxjerrë pamjet filmike ku gazetari Ismet Drishti është dhunuar nga një grup personash dhe njkohësisht ka sulmuar gazetën ‘Tema’ e cila në njoftimin e saj për ngjarjen shkruante se gazetari Drishti ishte sulmuar nga një i mitur.
Në reeagimin e tij “”Zjarr Televizion” shkruan se sulmi ishte bërë nga një grup vandalësh prej 15 personash, ndërsa shkruan se ndryshe nga disa media që financohen nga qeveria “Zjarr Televizion” ka mission të vërtetën.
“Pas publikimit te deputes demokrate Albana Vokshi ne lidhje me sulmin ndaj Zjarr Televizion te nje grupi prej rreth 15 vandalesh, ka ardhur dhe reagimi i i Gazetes Tema te te mirenjohurit Mero Baze “per saktesine e infromacionit” qe njofton se Ismet Drishti eshte sulmuar nga NJE ADOLESHENT 15-VJEÇAR.
“Zjarr Televizion” sjell pamjet filmike te perplasjes per te gjithe publikun. Ndryshe nga disa media te cilat financohen nga qeveria, Televizioni yne eshte ne anen e lajmeve te verteta. Ne asnjehere nuk kemi dashur te dizinformojme por sjellim vetem te verteten. Ndryshe nga disa media apo gazeta si kjo e Mero Bazes i cili dizinformon me qellim, ne do te vazhdojme mision tone ate te publikimit te te vertetes per te gjithe shqiptaret. Nuk jemi dhe nuk do te jemi asnjehere me pale me asnje por vetem me te verteten’, shkruan “Zjarr Televizion”.
Për sulmin ndaj administratorit të “Zjarr Televizion” kishte reaguar edhe deputetja e PD-së Albana Vokshi.
Reagimi i Albana Vokshit:
Administratori i “TV Zjarr”, gazetari Ismet Drishti, është kërcënuar nga një grup me maska, që ka sulmuar me leva dhe sende të forta ndërtesën e studiove të televizionit.
Gazetari Drishti ka kërkuar ndihmën e policisë, por patrulla e parë policore ka mbërritur shumë vonë. Në përpjekje për të mbrojtur pronën dhe punën e tij, gazetari Ismet Drishti është përleshur me agresorët dhe ka pësuar lëndime të lehta në kokë.
Në 4 dhjetor të 2017, studiot e televizionit ”Zjarr” u sulmuan dhe u plaçkitën natën, ndërsa policia ende nuk ka asnjë të ndaluar.
Edhe sot, policia nuk ka bërë asnjë veprim për të sekuestruar kamerat e bizneseve përballë studiove të televizionit për të rënë në gjurmë të agresorëve.
Partia Demokratike e dënon me forcë sulmin dhe kërkon hetim të plotë e të shpejtë për ngjarjen e përsëritur kundër gazetarit Ismet Drishti, i njohur për qëndrimet kritike ndaj qeverisë.
Partia Demokratike ka nisur procesin e konsultimeve me shoqatat e gazetarëve dhe organizatat ndërkombëtare për hartimin e një rezolute parlamentare në mbrojtje të jetës dhe profesionit të gazetarëve ne Shqipëri.
(B.H/Faxweb)
