Partia Socialiste dhe Lëvizja Socialiste për Integrim ende nuk kanë një vendim përfundimtar mbi fatin e koalicionit që për katër vite resht qeverisi vendin. Ky lajm bëhet i ditur nga burime për “Shuplaka”, të cilat konfirmojnë se darka është mbajtur kryesisht për fatin e koalicionit, zgjedhjet e 18 qershorit dhe qëndrimin e PD-së me protestën e saj.
Pas mandatit të parë të bashkëqeverisjes, nuk dihet nëse dy krerët e partive PS dhe LSI do të jenë sërish bashkë në zgjedhjet e 18 qershorit. Pavarësisht se nuk pati vendimmarrje mbi koalicionin PS-LSI, flitet se takimi i tyre ishte mjaft pozitiv.
Kryetari i PS-së, Edi Rama dhe kreu i LSI-së, Ilir Meta qëndruan për rreth katër orë në një restorant tek “Pazari i Ri”. Të pranishëm në darkën e së dielës ishin edhe Ministri i Drejtësisë, Petrit Vasili dhe kryebashkiaku Erion Veliaj.
Ndërkaq, mësohet se brenda 48 orësh, Lëvizja Socialiste për Integrim do të mbledhë Kryesinë e saj ku do të vendoset për fatin e koalicionit. Kryesia e LSI-së do të vendosë për ftesën e Ramës për Metën në Asamble.
(XH.A/SHUPLAKA)
[ngg_images source=”galleries” container_ids=”1486″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
