Sekretari amerikan i Shtetit, Rex Tillerson, ka shkaktuar zemërim në rradhët e punonëjsve të Departamentit amerikan të Shtetit. Ai mbajti të mërkurën e 3 majit fjalimin e tij të dytë pas përpjekjeve të Shtëpisë së Bardhë për të reformuar DASH-in, çka ka shkaktuar zemërim në mesin e 75.000 punonjësve të departamentit.
Administrata e presidentit Donald Trump ka në plan shkurtimin e buxhetit të Departamentit të Shtetit me 28% në 2018-ën dhe shkurtimin e 2.300 pozicione pune.
“Ata janë shumë të zemëruar me të. Të gjithë në ndërtesë janë të mërzitur me të. Ata kanë frikë se ai nuk i ka mbrojtur përpara përpjekjeve të Shtëpisë së Bardhë për të modernizuar personelin, çka do të thotë shkurtim personeli.”, është shprehur një ish-punonjës i DASH-it për “Fox Business”, duke shpjeguar se Tillerson ka shkaktuar mjaft skepticizëm.
Ndërsa Sekretari amerikan i Shtetit nuk adresoi rikonstruktimin e departamentit në fjalimin e së mërkurës, ai u shpreh se nevojitet përmirësim i sistemeve dhe proceseve të saj.
(XH.A/SHUPLAKA)
Discussion about this post