Raporti i fundit i DASH zbuloi se Shqipëria mbetet një burim i rëndësishëm për marijuanën dhe një rrugë e kokainës dhe heroinës që ka si destinacion tregjet europiane si edhe një rritje të kultivimit të kanabisit.
Departamenti Amerikan i Shtetit në njëfarë mënyre hodhi poshtë gjithë punën e Tahirit të bërë në tre vite e gjysmë.
Tahiri u mundua maksimalisht të ruante imazhin pozitiv në luftën kundër kanabisit dhe për ta bërë këtë shpesh ka kryer operacione nga ajri me helikopter, kundër kultivimit të kësaj bime.
Vitin e shkuar, sidomos gjatë muajit gusht dhe shtator, saqë analisti Armand Shkullaku në një artikull të tij ngriti pyetjen: Tahiri ministër apo guidë turistike e kanabisit?
Në një nga operacionet e tij nga plantacionet e mbjella me kanabis, morën pjesë edhe deputetë të Komisionit të Sigurisë të Partisë socialiste, si Spartak Braho, Pirro Lutaj.
Madje në një nga “shfaqjet e tij me helikopter”, Tahiri ka marrë edhe gazetarë vendas e të huaj si analistin politik të “The Economist” Tim Xhudah.
Pas gazetarit britanik, në gusht Tahiri mori në helikopter edhe gazetarët e kronikës dhe kameramanët shqiptarë të redaksive të ndryshme, të cilët kanë parë nga ajri fushat me kanabis, duke kqyrur në praninë e stafit të ministrit punën e policisë.
Këto video janë në fazën kur Tahiri nuk e pranonte problemin e kanabisit megjithëse më vonë ai i ridimensionoi deklaratat e tij duke pranuar se “PO, ka një problem me kanabisin”. (D.D/Shuplaka)
[ngg_images source=”galleries” container_ids=”1371″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post