Kreu i LZHK-së, Dashamir Shehi, u ka bërë thirrje ditën e sotme të gjithë shqipatrëve të bashkohen në protestën e të shtunës, për largimin e Ministrit të Brendshëm, Fatmir Xhafaj.
Sipas Shehit, Xhafaj nuk ka përgjegjësi për t’u futur vetë në burg, por nuk mund të ushtrojë më funksione publike pas kësaj që ndodhi.
Gjithashtu kreu i LZHK-së, sqaron se protesta nuk ka qëllim që të sjellë PD në pushtet, ndërsa ka shtuar se po shqyrtohet edhe mundësia e bojkotit të parlamentit.
“Duhet të protestojmë jo për Bashën kryeministër, nuk ka për t’u bërë. Në këtë rast nuk bëhet, në zgjedhjet e ardhshme kismet Zotit nëse i fitojmë, jo Lulin, por të gjithë të tjerët”, sqaron Shehi për Raport Tv
Ai tregohet pesimist në lidhje me hapjen e negociatave për anatrësimin e Shqipërisë në BE, ku thotë se jo këtë qershor, por as pas 10 vitesh nuk mund të hyjmë ne Europë.”Xhafaj mendova se do të ishte më i mirë se Tahiri, por nuk gjente ky dy njerëz nga PS që nuk janë të inkriminuar?”, tha Shehi.
Duke folur për protestën, Shehi tha se nuk ka ndonjë planifikim të madh.
Shehi foli edhe për lidhjet brenda opozitës, duke pohuar se edhe aty ka zullumqarë, por nuk mund të krahasohen me PS-ën, që është një bandë e madhe kriminale.
“Nëse Xhafaj largohet do të fillojmë ta moralizojmë pak qeverisjen, të heqim një të implikuar. Duhet të heqim dy ‘Tahirë’, duhet një tjetër që të luftojë krimin dhe drogën. Por nëse do të vijojë kështu ne do të heqim edhe ministrin e tretë që do të vendosë ky. Ky ra i pari në rrjetë, kjo është një histori për të qeshur. Rama urdhëroi Xhafajn, i ka thënë ‘ma hiq atë horrin e vogël’, dhe ai iku në Itali. Pa largimin e Xhafajt nuk ka as parlament. Nuk kam dëgjuar nga Basha kështu skenarë tragjikë. Nëse protesta do të jetë e madhe do të bojkotojmë parlamentin. Do të mendojmë edhe për zgjedhjet e parakohshme”,theksoi Shehi. (E.V/FAxweb.al)
