Kryetari i Lëvizjes për Zhvillim Kombëtar, Dashamir Shehi i ftuar në Fax News u shpreh se opozita do të protestojë kundër kriminalitetit që ka mbërthyer vendin.
“Do të mbrojmë idenë e një shteti ligjor. Vendi po bie gjithnjë e më shumë në varfëri, shkatërrimi i administratës publike. Ne aksionin opozitar e mbështesim deri në fund. Do të kemi një marrëdhënie të kushtëzuar me parlamentin. Do të shkojmë vetëm për të debatuar mbi tema të mëdha politike, lufta kundër krimit dhe korrupsionit, në funksion të integrimit të vendit dhe nuk bëhet me këtë qeveri
Partia Demokratike nuk e ka mundësinë për të qeverisur pa pasur votat, nuk kemi synim rrëzimin e Ramës për të vënë Bashën pa votat e duhura. Duam të pastrojmë vendin nga ky kriminalitet nga kjo qeveri e drogës. Kjo i ka shërbyer bandave, grupeve kriminale, e disa bizneseve, ndërsa shqiptarëve nuk ju ka shërbyer për asgjë.” u shpreh Shehi.
Ndër të tjera i pyetur për diskutimet e mbajtura me takimin e Bashës, me aleatët, Shehi u shpreh që për raportin e krijuar midis PD-së dhe LSI-së aleatët nuk janë entuziastë.
“Kemi diskutuar për tezat për të cilat jemi dakord, tema të mëdha politike, një ligj i ri zgjedhor, duke filluar nga mënyra sesi votohet dhe numërohet.
Të rihapim temën e administrimit territorial, gjykojmë të rihapen dhe një herë adminitrimi territorial që qytetarët të jenë më afër pushtetit. Raporti i ri midis PD dhe LSI-së ku shumë prej nësh nuk janë shumë entuziast. Po e them si tip battue këtëo të LSI-së jo divorcohen një her më PS-në, pastaj fejohen më PD-në.
PD ka një histori të madhe, ka një detyrim ndaj shqiptarëve, ndaj asaja që përfaqëson, të zhduki remicensat e komunizmit, sesa thjesht alternimi i pushtetit. Ne nuk jemi këtu thjesht për të zëvendësuar pushtetin e zotit Rama, jemi këtu për të ndërtur shtetin që u kemi premtuar shqiptarëve, përtej kësaj LSI-ja është e mirpritur sepse kjo që kemi para vetes është shumë emergjente, të gjithë faktorët anti Rama janë të mirptitur edhe Blushi. Por që të vejmë një shenjë barazimi midis asaj që është LSI dhe ne afatgjatë është e dëmnshmë, me kompromise me të majtën PD ka humbur.” u shpreh kryetari i LZHK-së. (M.Q/Faxweb)
Discussion about this post