Kreu i LZHK-së Dashamir Shehi, në kuadër të marrëveshjes me kreun e opozitës Lulzim Basha, do të jetë pjesë e listave të kandidatëve të PD-së.
Mësohet se Shehi do të kandidojë i dhjeti në qarkun e Tiranës. Ndërkohë kreu i PBDNJ-së Vangjel Dule mësohet se do të kandidojë në qarkun e Vlorës.
Janë zbardhur edhe emrat e kandidatëve të Partisë Republikane që do të jenë në listat e PD-së. Në listën e Tiranës do të jenë dy kandidatë, si më poshtë:
-Fatmir Mediu i 5-ti në Tiranë
-Blendi Sulaj, i 14 në Tiranë
Më herët dolën edhe emrat e PAA në listën e PD. PAA do të ketë kandidat të 5-të në Fier, Olsi Cukaj, në Tiranë renditet i 13-i Adi Haxhiymeri, ndërsa vetë kryetari i kësaj partie Agron Duka renditet i 5-ti në listën e Durrësit. Ndërsa kreu i PDK-së Nard Ndoka do të kandidojë në Shkodër, por ende nuk dihet se si do jetë renditja.
Kujtojmë se mesnata e sotme është dhe afati i fundit i dorëzimit të listave në KQZ. Nga momenti në moment pritet publikimi i listës përfundimtare të Partisë Demokratike. Vijon… (D.D/Shuplaka)
