Kreu i LZHK Dashamir Shehi ka thënë sonte në “Opinion” se kryeministri Rama nuk do të negociojë dhe se nuk e ka marrë seriozisht si proces.
Shehi u shpreh se duke u përplasur me një mur si ky që ngre Edi Rama sipas tij, edhe pjesa më e moderuar e opozitës me shumë gjasa do të radikalizojë sjelljen e saj ndaj qeverisë dhe vetë Ramës.
Ai shtoi se pjesa radikale në opozitë po fiton terren përballë sjelljes së kryeministrit kundrejt zgjidhjes së krizës politike të vendit.
“Rama në njëfarë mënyre është tallur, ku bën sikur do të negociojë por në fakt ai s’do të negociojë. Ajo që ofron atje është një sharlatanizëm”,- u shpreh Shehi.
Shehi shtoi po ashtu se Europa nuk mundej që të ofronte më shumë se aq sa bëri me paketën MC Allister por se vullneti nga ana e kryeministrit për zgjidhjen e krizës politike mungon.
Kreu i LZHK u shpreh po ashtu se personalisht do t’i mjaftonte paketa McAllister dhe parimisht është për të hyrë në zgjedhje. (M.D/Shuplaka)
Discussion about this post