Kryetari i Lëvizjes për Zhvillim Kombëtar, Dashamir Shehi, ka sqaruar arsyen përse vendosi për mosregjistrimin në zgjedhje të partisë së tij.
Pavarësisht presionit të ditëve të fundit të ushtruar ndaj bashkëshortes së tij për shkarkimin e saj nga Autoriteti i Mbikëqyrjes Financiare, ai është shprehur i vendosur, duke shkuar sërish në çadrën e opozitës në ditën e 20 të protestës së saj.
Kreu i LZHK-së theksoi se partia e tij nuk do të regjistrohet në zgjedhje, duke shpjeguar se ky është hapi i mëtejshëm i protestës pasi pa zgjedhje të lira është e kotë të hyhet në zgjedhje.
“Nuk besoj se ka ndonjë vend në europë që mund të lejohen këto lloj zgjedhje. Shqiptarët duhet ta votojnë ky është reagimi i fundit, nuk është vendimi i zotit Basha, është marrë në mënyrë kolegjiale, them se ka ardhur dita për të rezistuar në mënyrë aktive ata që duan zgjedhje.
Kjo mund të konsiderohet protesta më e gjatë dhe më paqësore, opozita e ka treguar të gjithë frymën e re të tolerancës dhe besoj kështu do vazhdoj, ne do të ushtrojmë të gjithë presionin tonë armët e mundshme varet në dorë të atij zotërisë, është një rezistencë në emër të dinjitetit qytetar.”, është shprehur ndër të tjera Shehi. (XH.A/SHUPLAKA)
Discussion about this post