I ftuar në “Të paekspozuarit” me gazetaroin Ylli Rakipi, Dashamir Tahiri ka folur edhe për elektoratin çam, bindjet e tyre ku nuk kanë munguar ngacmimet në drejtim të Shpëtim Idrizit, kreu i PDIU-së.
“Shumica janë të djathtë. Mbi 80% ju garantoj. Pastaj pas takimit filluam ngritjen e partisë në Vlorë. Erdhën zgjedhjet e 2005-ës. Në 2005, Vlora vuri kushtin që të mos dalim mazhoritar por të dilnim proporcional dhe në aleancë me partinë demokratike. Në zgjedhje morëm rreth 7000 vota. Nuk ishim në gjendje të dënim dhe mirë politikën, por filluam të lëvizim. Dhe në vitin 2007 çojmë 4 këshilltarë në Bashkinë e Vlorës. Ku njëri nga ata jam unë. Aty filloj lëvizja e parë politike.”, tha Dashamir Tahiri për popullatën çame.
I pyetur për kreun aktual të PDIU-së, Shpëtim Idrizi, Tahiri është shprehur: “Sa isha zgjedhur, mori vesh që humbi PS, më ka ardhur te shkallët e Pallatit të Sportit dhe më tha: Dash nuk rri dot në Opozitë. Dua të bashkohem me ty dhe të punojmë për Çamërinë. Të bëjmë këtë, të bëjmë këtë. Kaseta të cilat nuk i kisha dëgjuar ndonjëherë. Aty erdhi dhe krijuam PDU-në.
Sërish lidhur me Idrizin, ish-deputeti shtoi: “Çam është por jo 100%”. (A.R/SHUPLAKA)
