Deputeti Dashamir Tahiri do të vazhdojë të jetë pjesë e listave të kandidatëve demokratë për deputetë të PD-së në qarkun e Vlorës. Burime për “Shuplaka” hedhin poshtë hamendësimet se Tahiri do të tërhiqet nga gara për deputet në këtë qark, duke konfirmuar se do të vijojë garën për zgjedhjet parlamentare të 25 qershorit.
Gjatë ditës së sotme, “Shuplaka” bëri me dije se edhe kandidati i gjashtë i PD-së, Adriatik Alimadhi, të cilit partia i kërkoi të largohet nga gara, do të vazhdojë të përfaqësojë Partinë Demokratike në zgjedhje. Nga ana tjetër, “Shuplaka” bëri të ditur se Arben Ristani është emri që lakohet për largim nga kjo listë ku ai renditet i katërti.
Një ditë më parë, kreu i PDIU-së, Shpëtim Idrizi, u kërkoi qytetarëve të mos votojnë kandidatin e pestë, Dashamir Tahiri, për shkak se është një votë për PBDNJ-në, Vangjelm Dulen.
Kandidimi i tij nën siglën e PD-së vjen pas heqjes së mandatit. Gjatë muajit Dhjetor të 2016-ës, atij iu hoq mandati për shkak të ligjit të dekriminalizimit.
(XH.A/SHUPLAKA)
Discussion about this post