Edi Rama dhe Majlinda Bregu duket se kanë një histori të veçantë mes tyre, herë flirtojnë në distancë dhe herë të tjera marrëdhëniet mes tyre janë më të mira.
Së fundi ish-ministrja e integrimit është rithyer në qendër të vëmendjes për shkak të postit që ka marrë si Sekretare e Përgjithshme e Këshillit të Bashkëpunimit Rajonal (RCC) një strukturë e cila është pjesë e Procesit të Bashkëpunimit në Europën Juglindore (SEECP).
Në mesazhin e saj pas fitores, Bregu përshëndeti dhe falenderoi për mbështjen dhe ministrin Ditmir Bushati, rrjedhimisht dhe qeverinë Rama.
Mirëpo në një kthim pas në kohë në vitin 2013, ministrja e jashme asaj kohe, Majlinda Bregu e quante kryeministrin Rama një ”kopjac”. Sipas saj ai mbante në dorë të shkruara fjalimet e fushatave, pasi as nuk e mbante mend se çfarë kishte brenda Rilindjes.
Ndërkohë që i menjëhershëm ka qenë asokohe dhe reagimi i kryeministrit Rama.
‘’Shikoni me se merret Majlinda Bregu! Fotoja e publikuar në faqen e Ministres së Integrimit, është në fakt një foto e postuar ditën e djeshme në këtë faqe facebook-u. Ministrja Bregu që akuzon për kopje nuk ka bërë asgjë tjetër veçse ka kopjuar një foto nga facebook-u i liderit të opozitës. Dhe të mendosh se Ministrja e Integrimit Europian duhet ta dijë mirë sa e rëndësishme është ruajtja e të drejtës së autorit në Bashkimin Europian, ku duam të anëtarësohemi!”, shkruante Rama në 2013-tën.
Sot mesa duket gjërat i janë rikthyer momenteve të qeta, teksa Bregu do të përfaqësojë Shqipërinë në këtë post të lartë.
(E.K/FAXWEB.AL)
