Si pak herë në një ‘’show’’ televiziv, ditën e djeshme një martesë është realizuar live në sytë e qindra shikuesve. Është fjala për Danielin dhe Fotininë të cilët vendosen të martohen brenda në shtëpinë e ‘’Big Brother’’.
Duke qenë një reality show pak besojnë te dashuria e vërtetë, mirëpo çifti vendosi të dalë dhe mbi paragjykimet.
Danjeli dhe Fotinia morën dje vendimin më të rëndësishëm të jetës së tyre. Danjeli i propozoi Fotinisë në oborrin e shtëpisë, propozim i cili e gëzoi Fotininë dhe ajo tha: “Po”.
Ai që e ka kurorëzuar martesën e tyre ka qenë kreu i Bashkisë së Tiranës Erion Veliaj.
Por pasi Fotinia u bë nuse e Danjeli dhëndër, “Big Brother” i transmetoi me anë të një klipi se familjarët e tyre nuk ishin dakort. Fotini e Danjel vendosën të martohen edhe pa dëshirën e familjarëve duke besuar tek dashuria e tyre.
Duke parë edicionet e tjera të këtij programi na mbetet të urojmë që kjo martesë tiu zgjasë sa më shumë. (E.K/SHUPLAKA)
Discussion about this post