Prej dy ditësh portalet po shkruajnë se ish-kryetarja e FRESSH-it Joleza Koka ka bërë dasmën e saj në Las Vegas.
Dihet që Koka është fejuar me Leart Kolën, por çfarë thotë vetë ajo? E indinjuar Koka ka bërë dhe një reagim të gjatë për faqet ”që nisën si satirike por vetëm për të qeshur nuk bëjnë”.
”Jo, nuk kam bërë dasmë në Las Vegas”, përgënjeshtron Koka.
”Cila është arsyeja që Kryeministri i Kosovës pritet nga fotografia? Çfarë janë këto sjellje antishqiptare të këtyre ‘kanaleve anonime’ të komunikimit publik? Faqe me qindra mijëra ndjekës që në çdo sekondë të ditës na bombardojnë me fakte se sa të pa zotët, të pa ditur e të pa drejtë na qenkan shqiptarët.
Cilët janë njerëzit pas këtyre faqeve? Cili është misioni i tyre? I bëj thirrje autoriteteve të bëjnë publike pronësinë dhe qëllimin e ekzistencës së këtyre faqeve që nisën si satirike por vetëm për të qeshur nuk bëjnë.
Kjo fotografi është bërë në Strasburg kur zotit Haradinaj nuk i lejohej të kalonte përtej kufirit francez. E mbani mend kur të gjitha forumet rinore u bashkuam e protestuam për lirimin e tij. Jam shumë krenare për punën vullnetare që kam bërë dhe njëkohësisht shumë e bezdisur nga lajmet e rreme që publikoni çdo ditë duke detyruar lexues të panjohur të marrin guximin dhe të më dërgojnë të tilla mesazhe.
Dhe Jo, nuk kemi bërë dasmë në Las Vegas!”, komenton e indinjuar Koka lajmin dhe foton e publikuar për të dhe Kolën. (V.G/Shuplaka)
