“Datë e shënuar për mbarë kombin”, Meta uron Kadarenë në ditën e lindjes: Gjeni i mendimit dhe letrave

Shkrimtari i madh shqiptar Ismail Kadare festoon sot 84 vjetorin e tij të lindjes.

E në këtë 28 Janar, që është një ditë e shënuar për letrat shqipe, nuk ka munguar as urimi i presidentit Meta në drejtim të Kadaresë, të cilin e quan gjeni të mendimit shqiptar.

Postimi i Metës:

Gjeniu i letrave dhe i mendimit shqiptar, simboli i vokacionit tonë perëndimor, Ismail Kadare, kolosi krijues me përmasa botërore, që na bën krenar të gjithëve, feston sot 84-vjetorin e lindjes.

Në këtë datë të shënuar, jo vetëm për të dhe familjen e dashur Kadare, por për mbarë kombin shqiptar, i shpreh shkrimtarin tonë Ismail Kadare, urimet më të përzemërta, shëndet e jetë të gjatë dhe suksese të reja në krijimtarinë e tij të ndritur.