Ish-kryeministri britanik, David Cameron deklaroi në Nju Delhi se fitorja e Marine Le Pen për presidencialet franceze do të ishte një goditje e rëndë për Evropën.
Popullariti në rritje i partive ekstremiste dhe rritja e populizmit nuk shënon fundin e globalizmit, por jep një paralajmërim mbi domosdoshmërinë për të përçuar një korrigjim të rëndësishëm në menaxhimin e sfidave ekonomike dhe kulturore, tha Cameron.
Marine Le Pen presidente, do të ishte një goditje e rëndë për projektin evropian”, deklaroi ai gjatë një konference organizuar nga e përditshmja indiane “Hindustan Times” duke shtuar se aspironte fitoren e një prej partive klasike në pushtet.
Pas disfatës së kampit të tij në referendumin për qëndrimin e Britanisë së Madhe në Bashkimin Evropian, David Cameron dha dorëheqjen dhe u zëvendësua nga Theresa May.
“Unë ende mendoj se do të ishte e preferueshme për Britaninë e Madhe të qëndronte në Bashkimin Evropian”, u shpreh ai nga kryeqyteti indian.
