Ish-trajneri i Kombëtares Shqiptare Gianni De Biasi ka ndërmarrë një iniciativë të re duke lënë pozicionin e tij të mëparshëm si trajner mënjanë. De Biasi ka vendosur të ndihmojë të rinjtë që ëndërrojnë të bëhen futbollistë të talentuar duke krijuar një shkollë futbolli e cila quhet “Italia Football Talent”.
Njoftimin e ka dhënë vetë ish-trajneri me anë të një statusi në profilin e tij social Facebook, ku shkruan:
“Miqtë e mi, dua të ndaj me ju iniciativën time të re. Eksperiencat që kam kaluar si lojtar më parë dhe tani si trajner, dua t’i shfrytëzoj për të ndihmuar të rinjtë e shumtë që ëndërrojnë të bëhen futbollistë. Ndaj, për këtë kam krijuar Italia Football Talent, një shkollë futbolli, që do të ketë si qëllim të rrisë dhe të argëtojë futbollistët e rinj”.
(B.K/ FAXWEB.AL)
