Trajneri i Kombëtares Shqiptare, Gianni De Biasi, ka dalë në një konferencë për shtyp një ditë përpara sfidës së rradhës për Shqipërinë në kuadër të Botërorit “Rusia 2018”.
Në konferencën për shtyp, trajneri i Kombëtares Shqiptare theksoi se luan për të fituar pavarësisht kundërshtarit. Duke qenë se kundërshtari në këtë rast për Shqipërinë është jo pak i veçantë, De Biasi u shpreh se do të ishte më i lumturi nëse do të mundim Italinë.
“Unë luaj për të fituar, pavarësisht kundërshtarit. Nëse do kemi rezultate pozitive kundër Italisë, do jem i lumtur. Nëse e mundim Italinë, unë do të jem më i lumturi.”, mësohet të ketë thënë ai.
Takimi Itali- Shqipëri, i programuar sipas shortit për t’u luajtur më datë 24 mars 2017, do të luhet në stadiumin “Renzo Barbera”, Palermo. Kjo ndeshje është e 5-ta në rradhë e vlefshme për kualifikueset e Botërorit“Rusi 2018”.
(XH.A/SHUPLAKA)
