Trajneri i Shqipërisë De Biassi është shumë pranë largimit nga kombëtarja. Aventura e tij në drejtimin e Shqipërisë po vjen drejt fundit dhe nuk do të presë mbylljen e kontratës mes palëve kur përfundon edicioni i kualifikuesve të Botërorit 2018.
Sipas faqes së internetit të gazetarit italian të njohur për lajmet e merkatos, Alfredo Pedulla, De Biazi do të largohet që në javët e ardhshme nga drejtimi i Shqipërisë. Sipas saj, ai ka disa mundësi të ndryshme punësimi në klube të njohura në Europë, njofton “Panorama sport”.
Por njëkohësisht, tekniku i kuqezinjve ka tundim edhe nga dy oferta kineze që janë shfaqur gjatë ditëve të fundit. I njëjti burim sqaron se më shumë do të mësohet në mesin e muajit qershor, pasi trajneri të jetë shkëputur përfundimisht nga drejtimi i kombëtares. (B.H/Shuplaka)
Discussion about this post