De Biassi i jep një shans Xhakës: mund të rikthehet duke kërkuar falje publike

Taulant Xhaka me sa duket ka një shans për të rregulluar marrëdhënien me Trajnerin e Kombëtares Xhani De Biassi dhe të rikthehet në Kombëtare.

Trajneri i Shqipërisë ka vendosur t’i japë një mundësi Xhakës për t’u rikthyer por më parë mesfushori duhet që të kërkojë falje publike. Burime pranë “Sport Ekspres” bëjnë me dije se Xhaka do të mirëpritej në Kombëtare nëse ai do kërkonte ndjesë publike përpara skuadrës, trajnerit dhe tifozëve.

Por nëse futbollisti i Bazelit nuk do e bëjë diçka të tillë ai do ta ketë derën e mbyllur në Kombëtare për sa kohë do të jetë trajner i saj Xhani De Biassi. Një tjetër lojtar që nuk do të vijë është dhe Shkëlzen Gashi, pas ndeshjes me Maqedoninë ai pati një grindje me De Biassin dhe nuk do vijë në Kombëtare. Gashi luan në Amerikë aktualisht. (B.H/Shuplaka)