Trajneri i kombëtares shqiptare, Xhani De Biazi, e ka të qartë objektivin në ndeshjen ndaj Izraelit: vetëm fitore për të marrë mbrapsht 3 piëkt e humbura përballë tyre në Elbasan.
Në një prononcim për mediat, ai foli gjithashtu për rivalitetin në portën e kombëtares mes Berishës dhe Strakoshës si dhe komentoi të ardhmen e tij duke e lidhur me stadiumin e ri kombëtar.
Është paksa e çuditshme që De Biazi pranon ndër të tjera se kur mund të inagurohet stadiumi i ri pret I vijë një ftesë pasi ekziston mundësia që të mos jetë pjesë e Kombëtares.
Situata në grup dhe ndeshja ndaj Izraelit
“Nuk jemi mirë në klasifikim dhe duhet të paraqitemi mirë, që nga ndeshja me Izraelin, që është shumë e fortë dhe e vështirë si nga aspekti logjistik, ashtu dhe nga kundërshtari. Janë të fortë, por ne shkojmë për të marrë 3 pikët që Izraeli na mori këtu.”
Rivaliteti mes Berishës dhe Strakoshës
“Balotazh këtë herë nuk ka, sepse Berisha është i pezulluar, ndërsa për të ardhmen do të flasim. Me rëndësi është të kemi futbollistë që luajnë rregullisht. Thomas Strakosha ka qenë impresionues në sezonin e parë. Madje, ai i ka marrë vendin Marketit në një skuadër si Lacio që në moshën 22-vjeçare.”
E ardhmja dhe stadiumi i ri
“Në rast se nuk do të jem në krye të ekipit kur të inaugurohet stadiumi i ri, më ftoni dhe do të vij të shoh ndeshjen.”
(E.K/shuplaka)
Discussion about this post