Aktori i famshëm Robert De Niro ka ngritur së fundmi një shqetësim në lidhje me shëndetin e fëmijëve. Pikëpyetje të shumta ai hedh mbi sigurinë e vaksinave të fëmijëve, dhe këtë ai e lidh me sëmundjen e autizmit. Këtë qëndrim De Niro e ka shprehur publikisht dhe deklaron se nuk është aspak i sigurt se këto vaksina janë të kontrolluara dhe se nuk shkaktojnë asnjë dëm tek fëmijët.
Duhet të theksojmë që aktori është një kritik i fortë i cili kundërshton përdorimin e “thimerosal”, një substancë që përmban mërkur dhe përdoret në vaksinën MMR, vaksinë kjo e cila mbron fëmijët nga fruthi, shytat dhe rubeolës, shkruan Daily Mail.
Ndërkohë, “Qendra për Kontrollin dhe parandalimin e Sëmundjeve” në SHBA, ka deklaruar me vendosmëri se vaksinat nuk shkaktojnë autizëm.
De Niro e kindërshton këtë tezë duke hedhur dyshime se shkencëtarët janë duke fshehur dhe mbuluar të dhëna. Kujtojmë gjithashtu se filmi i tij kundër vaksinës. Aktori ka thënë se dyshimet i përforcohen edhe më shumë kur merr parasysh rastin e djalit të tij me autizëm, sindromë e cila i erdhi pas vaksinimit, shkruan “Daily Mail”.
Në intervistën e tij të fundit, De Niro u shpreh se ai nuk është kundër vaksinave por ai mendon se ka diçka të gabuar dhe që duhet të rregullohet.
“Ja çfarë kemi ne nga gjithë ato studime shkencore, dhe ja çfarë kanë dhe ata vetë. Dhe duket qartë se këtu ka diçka që nuk shkon siç duhet. Unë nuk jam kundër vaksinimit, unë vetë vaksinohem herë pas here, por në këtë mes ka diçka që nuk shkon, dhe duhet të rregullohet”, është shprehur ai. (J.V/Shuplaka)
Discussion about this post