Kryetari i Bashkisë së Durrësit, Vagjush Dako është vënë në vështirësi pasi ditën e sotme, këshilltarët e LSI-së dhe PD-së u bënë bashkë dhe rrëzuan Buxhetin 2017-të të Bashkisë së Durrësit.
Ky është vërtet një problem i madh për kryebashkiakun pasi ky buxhet ishte më i madhi dhe më i miri në historinë e Bashkisë së Durrësit.
Mbledhjen e Këshillit sot e kanë shoqëruar debate të shumta e të ashpra.
PD dhe LSI thonë se disa zëra të Buxhetit janë të pajustifikueshme.
Këshilltarët e djathtë kanë qënë kundër këtij buxheti dhe e kanë quajtur atë buxhetin e luksit dhe shpenzimeve të panevojshme.
Ndërsa anëtarët e LSI-së mësohet se kanë votuar kundër për shkak se donin më shumë kohë për të studiuar draftin e buxhetit. (M.D/SHUPLAKA)
Discussion about this post