Debat i fortë, Vokshi: Ja tre kontraditat e Ramës, Spiropali: Jeni bërë një tufë Hamzash

Albana Vokshi e PD dhe Elisa Spiropali e PS kanë pasur një debat të fortë në “Studio e Hapur” për protestën në çadër.

Vokshi u shpreh se Rama kishte tre kontradita të forta që sipas saj janë një tërheqje e saj përballë opozitës. Ndërsa Spiropali ka vazhduar me fabulën e Skënderbeut duke futur në lojë tradhëtarin Hamza. “Jeni bërë një tufë Hamzash ju…”, u shpreh ajo.

Pjesë nga debati:

Spiropali: Ne besojmë se qeveria ndryshohet vetëm më votë, nëse  PD mendonte se ka arsye për ta larguar PS-në kishte 18 qershorin. Nuk e kanë programin, nuk e kanë liderin e fortë, kanë prodhuar vetëm baltë. Për  këtë arsye kanë zgjedhur të mos hyjnë në zgjedhje, i ka bashkuar frika nga refoma e drejtësisë, të gjitha këto arsye janë bërë bashkë dhe e kanë ngujuar opozitën në çadër.

Vokshi: E treguam me 18 shkurt se çfarë mund të bëjmë, se ajo çadra që ju e përçmoni, në fakt ajo ka bërë ndryshime të mëdha, ndryshimet e para u bënë në qeveri pas çadrës, filluan negociatat e çadrës, Kavaja është fitore e çadrës, hajdeni t’i takoni njerëzit, dhe dëgjoni hallet,  do takoni nëna që nuk kanë të ushqejnë fëmijët.

Spiropali:  Të njëjtat vuajtje kishin edhe në 2011 kur u vranë në bulevard.

Vokshi: Lëreni 21 janarin, pse e bëtë 21 janarin? Vutë huliganët në ballë të protestës.

Spiropali: Në grevën tonë të urisë në 2010 na kanë thënë se turp t’ju vijë se jeni gra  dhe shtriheni në bulevard. Ky është ofendim ndaj opozitës.

Vokshi: Për kë u bë 21 janari? Pse i nxorrët njerëzit?

Spiropali: Kjo bëhet vetëm për të shpëtuar lidershipin e PD nga drejtësia.

Vokshi: Ky është ndryshimi me  ne dhe ju, nuk kemi prekur një lule nga protestat, kjo është ndryshimi shumë i madh, dhuna ju përket juve, dhe ata skenarët e destabilizimit mbajini për vete, s’kishte asnjë skeanar dhune.

Spiropali: Jeni bërë një tufë Hamzash ju aty që…

Vokshi: Dua të them se çadra që ju përçmoni ka pasur arritje dhe ne kemi fituar disa kauza në raport me Edi Ramën:

1-E mbani mend Edi Rama thotë nuk shkelen zgjedhjet, te negociatat me McAllister thotë që po pranoj, ku është burri këtu?

2-Fenomeni i drogës, ndryshoi drejtuesit e policisë, është pranuar si fenomen.

3-Ka thënë qeveria ndryshohet vetëm me votë, u ndryshoka edhe pa votë se ofroi 4 ministra dhe zv/ministra.  

(M.D/Shuplaka)