Komisioni Hetimor për Inceneratorët, është përfshirë nga debate të cilat në njëfarë mënyre u ‘provokuan’ nga ministrja e Energjisë dhe Infrasktrukturës, Belinda Balluku e cila gjatë fjalës së saj ka përmendur Kuvendin e mbajtur nga kryedemokrati Lulzim Basha në datën 18 dhjetor.
Kjo ngjalli reagime nga ana e deputetëve demorkatë të pranishëm të cilët kërkuan që të mos dëvijohej vëmendja nga hetimi që po bëhej.
Ndërsa ka ndërhyrë edhe kryetarja e Komisionit, Jorida Tabaku e cila tha se duhet të mbahej qetësi duke shtuar se në këto gjurmë që po ndiqen njëri prej ministrave kishte përfunduar në burg dhe mbase edhe dikush tjetër mund të ketë të njëjtin fat.
Balluku: Do më ndihmoni të kuptoj atë 430 milionëshin e abuzimit që për të thënë të drejtën unë i kam gjetur këto kontrata sepse nuk kam qenë në këtë post kur janë fimrosur. Por i kam hapur për t’i lexuar sepse u shqetësova edhe unë. Sepse 430 milionë është një shumë tepër e madhe dhe dua të di nga e nxorët këtë shumë?
Tabaku: Po patjetër, do t’ua japim ne të gjithë llogaritjet e bëra që na çuan në këtë shumë.
Balluku: 430 milionëshi është një abstragim i juaji sesi po të shtosh 30 milionë euro cdo muaj për disa vite atëherë do na dilka kjo shumë. Me gjithë respektin për të gjithë punën dhe analizën që ju bëni, në këtë rast kjo shkon ashtu si në rastin e karrigeve 5 mijë veta për 2 mijë karrige.
(Ndërhyjnë deputetët e PD)
Tabaku: Ju lutem lëreni të përfundojë me qetësi, se nuk ka problem. Me këtë 7742 ka shkuar njëri në burg, tani të shohim nëse do shkojë sërish dikush në burg.
Balluku: Nëse ju me një qetësi olimpike dilni para shqiptarëve dhe u thoni se janë marrë 430 milionë euro kjo pastaj nuk e di si mund të quhet. Nuk mund të merrni mbi supe këtë lloj abstragimi.
Discussion about this post