Debati/ Buzhala: Takim mes një kryeministri në ikje dhe njërit në ardhje. Haxhiu: O mesia e Iranit, do të jem fansi më i madh i Albinit nëse…

Për analistin Burat Buzhala takimi mes Edi Ramës dhe Albin Kurtit ishte “mes një kryeministri në ikje dhe njërit në ardhje”.

Në emisionin “Open” ku po diskutohet mbi Albin Kurtin dhe Edi Ramën, si dhe për takimin që dy politikanët zhvilluan në fundjavë në Tiranë, sipas Buzhalës, kur Rama ka parë Kurtin është skuqur, pasi ka parë tek ai atë që donte të ishte vetë.

“Kur Edi Rama ka parë Albin Kurtit është skuq sepse ka parë te ai atë që donte të ishte vetë. Donte të ishte një politikan i majtë, i pakorruptueshëm, por që është krejt e kundërta e saj”, tha analisti.

Buzhala kritikoi Kurtin për deklaratën se “Rama është kundër shkëmbimit të kufijve” pasi, sipas tij, “faktet janë të ndryshme”.

“Trekëndëshi Rama-Vuçiç-Thaçi e vërteton se ai është pro ndarjes së kufijve. Kurti i ka vënë ultimatum që mos të ndërhyjë në çështjen e marrëdhënies Kosovë-Serbi”, tha Buzhala.

Analisti Baton Haxhiu, i cili është në lidhje direkte me Skype, replikoi duke kundërshtuar kolegun. Haxhiu e konsideroi Buzhalën “si Mesia i Iranit që kërkon të duket si Mesia i vërtetë”.

“Rama si kryeministër do ikë një ditë. Ndërsa Albin Kurti nuk e ka asnjë ditë në Qeveri. Pasi ta shikojmë në Qeveri dhe në mbajtjen e premtimeve. Për këtë nuk mund të krahasohen Rama me Kurtin. Në qoftë se të gjitha ato që ka përmend Kurti arrin t’i plotësojë, unë do jem fansi më i madh i tij”,

“Natyrshëm që duhet përshëndetur ky takim, gatishmërinë e zotit Rama dhe dëshirën e kryeministit të ardhshëm. Takimet sqarojnë gjërat ndërsa distanca krijon vetëm armiqësi”, tha Haxhiu.

Gjithashtu i pranishëm në studio, Henri Çili tha se fitorja e Albin Kurtit solli disa ndryshime për mirë në politikën e Kosovës por që do të ndikojë edhe në politikën shqiptare.

 “Për sa i përket ndershmërisë, ajo duhet parë sepse ai akoma nuk ka qeverisur. Nuk ka akoma një firmë prej shtetari. Në filozofinë e tij, Kurti thotë barazi, kjo është premisë komuniste. Banka zhvëllimore është shtetëzime”, tha Çili.

“Po, barazi. Barazi para ligjit. Do rrëzohen oligarkët”, iu kundërpërgjigj Buzhala.