Nuk ka munguar fjala e ish-deputetit socialist Ben Blushi pas debatit që pati mes kryeministrit Edi Rama dhe kryetarit të PBDNJ-së, Vangjel Dule.
Nga foltorja e Kuvendit, Blushi e ka quajtur Ramën “një nacionalist dhe jo patriot”. Sipas tij, nacionalistët e shkatërrojnë vendin e tyre, ndërsa patriotët e mbrojnë.
“Nacionalistët e kanë shkatërruar Europën dhe patritotët e kanë bashkuar. Për shkak se e ka paguar këtë leksion me gjak, Europa sot e di shumë mirë kush është nacionalist e patriot. Në kushtet tona, për shkak të historisë e ka pasur të vështirë për ta ndryshuar nacionalistin ekstrem dhe patriotin, sidomos kur nacionalistët e kalojnë kollaj kufirin dhe bëhen patriot.
Nacionalistë shqiptarë janë ushqyer me miellin e fqinjëve dhe krundet e Shqipërisë. Shumë na ftuan për të bërë ndryshimin e nacionalistit me patriotit.
Ismail Qemali ishte patriot, Esat Toptani ishte një nacionalist, një tradhtar, Abdyl Frashëri ishte patriot, Mit’hat Frashëri ishte nacionalist, Fan Noli ishte patriot, Ahmet Zogu ishte një pragmatist.
Meqë nacionalistë kanë nisur të kenë sukses në Europë, edhe Shqipëria nuk mund të mbetet pa nacionalistë. Nacionalistët shqiptarë nuk merren seriozisht. Ata nuk kërkojnë më shumë barazi, solidaritet e harmoni, por ata kërkojnë vetëm pushtet. Ky është një cen që i bashkon, nuk dinë të qeverisin, ose qeverisin shumë keq dhe kur e kuptojnë bëhen më shumë nacionalistë seç janë dhe kërkojnë hapësira të mëdha. Nacionalistët i shtynë vetëm dëshira për pushtet. Edhe Berisha në 100 vjetor u bë nacionalist dhe nuk kishte asnjë program, por për nja 4 muaj jetoi në ujërat e nacionalistët.
Kryeministri ka hapur një debat sot, një debat pa kuptim. Pse na duhet ky debat sot, kur Shqipëria ka probleme pa fund. Ky debat është pjellë e shterpësisë për të mbledhur vota aty ku nuk ka, do them ca gjëra”.