Dy ditë pas debatit me deputeten e LSI-së Monika Kryemadhi, ministrja e arsimit Lindita Nikolla deklaron se këtë e shikon si një klimë të mirë bashkëpunimi.
E ftuar në studion e lajmeve të “Ora Neës”, Nikolla tha se nuk janë anashkaluar kritikat por mëgjithatë ka një klimë të mirë bashkëpunimi.
“Nuk ka as hedhje poshtë shqetësimi dhe nuk ka asnjë lloj dëshire për ta anashkaluar kritikat dhe situatat që vlejnë për të pasur një standard të ri. Është një klimë bashkëpunimi dhe dëshirë për të bërë më të mirën për maturantët. Ministrat shkojnë e vijnë, deputetët shkojnë e vijnë, partitë rriten, fitojnë dhe humbin zgjedhjet, por ajo që është e rëndësishme është që cilësia dhe shkolla është aty, është një pasur publike dhe maturantët duhet të ndihen të qetë dhe të qartë për të vijuar zgjedhjen e tyre që është një zgjedhje me shumë rëndësi në vijimësi të karrierës së tyre profesionale.”, tha Nikolla.
Ministrja shton se po punon për informimin e maturantëve dhe se i ka ndjekur dhe shtjelluar deri në fund krikat e deputetëve që vijnë nga forca të ndryshme politike.
“Unë jam shumë e vetëdijshme të shikoj realitetin në sy, të kuptoj se jo çdo sistem, aq më tepër që në vitin e parë të zbatimit ajo të jetë perfekte. Ndaj ne kemi axhustuar dhe po ecim shumë shpejt në kohë bashkë me institucionet tona të arsimit të lartë për të bërë të mundur informimin e maturantëve, transparencën dhe në fund të ditës për secilin prej maturantëve dilema e vetëm të jetë vetëm merita e tyre dhe konkurrenca mbi bazën e meritës ku impelemtohet një sistem i drejtë, që ka më shumë transaprencë për maturantët. Sa i përket shqetësimeve, jo vetëm shqetësime që vijnë nga deputetë apo nga forca politike por edhe shqetësime që vijnë nga maturantë apo prindër të tyre ne jo vetëm i kemi ndjekur dhe i kemi shtjelluar deri në fund. Unë deri në këto momente kam takuar mbi 10 maturantë duke trajtuar çdo dilemë që kanë duke informuar jo vetëm procesin e praniveme, por edhe si duhet të qartësojnë kriteret e universiteteve dhe ti “përplasin” ato me kredencialet me arritjet e tyre, në mënyrë që merita e çdo maturanti të jetë fituese dhe ai të jetë një pjesë e institucioneve tona të arsimit të lartë. Kjo është e vërteta.”, shprehet Nikolla. (D.D/Shuplaka)
Discussion about this post