Çështja e vëllait të ministrit të Brendshëm Fatmir Xhafaj ka shkaktuar debat në emisionin ‘Opinion’ mes Elisa Spiropalit dhe Dash Shehit.
Shehi deklaroi se Fatmir Xhafaj duhet të dorëhiqej për këtë ngjarje pasi politikisht, pavarësisht se si shkon hetimi ai nuk mund të qëndronte në atë post.
Si Agron Xhafaj mund të ketë shumë në Shqipëri, tha Shehi, por fatkeqësisht qëlloi që ky të ishte vëllai i ministrit dhe këtu është problemi.
“A hypi në avion ky, se ishte një kriminel, dhe çfarë qëndrimi mbajti ministri i Brendshëm, a ka mundësi. Ky po shkon me këmbët e veta mor, e menrrni vesh apo jo, realiteti është që ky fatkeqësisht është vëllai i Ministrit të Brendshëm. Në një shtet normal do të largohej ministri”, tha Shehi.
Por pas fjalës së kreut të LZHK-së e mori fjalën Elisa Spiropali e cila u ndal tek arsyet se pse po sulmohej Xhafaj, duke thënë se sa i përket çështjes penale kjo ka 17 vjet.
“Unë e falenderoj Shehin që e ngriti nivelin e bisedës, niveli i deritanishëm i PD-së ka qenë ky, që janë në dorë të Babales, çfarë thotë ai. Sa i përket përgjegjësisë penale kjo çështje ka nja 17 vjet”, ndërsa theksoi se qëllimi i vetëm i opozitës është që të bllokojë integrimin e Shqipërisë.
Por Fevziu ndërhyri duke i thënë se nuk mund të largohej nga tema, pasi çështja e negociatave ishte më mrapa, tani po diskutohej çështja e ministrit, nëse duhej apo jo të jipte dorëheqjen, pasi fjala ishte tek përgjegjësia morale.
“Ky të foli konkretisht, nuk mund të lë të flasësh çfarë do ti, është më mbrapa kjo”, ndërsa Spiropali ia ktheu: Doni të flas çfarë doni ju pra…
(B.H/Faxweb)
