Kreu i grupit parlamentar i Partisë Socialiste, Taulant Balla ka komentuar progres-raportin e Këshillit të Europës për Shqipërinë për të cilin tha se është tepër pozitiv dhe vjen falë arritjeve të qeverisë në plotësimin e kushteve.
Balla tha se është raporti më i mirë që ka marrë ndonjëherë Shqipëria dhe akuzoi opozitën se po bëhet penguese e integrimit të vendit.
“Është një ditë e gëzueshme për gjithë shqiptarët, padyshim kjo meritë e shqiptarëve është pikënisja kryesore ku mbështet puna e qeverisjes sonë për të përparuar në rrugën e integrimit. KE dha për shqiptarët verdiktin e merituar. Dua të jem i sinqertë se për ne ky vendim nuk ishte asgjë tjetër vetëm konfirmim i punës sonë të sigurtë. Është fakt që vitin e kaluar mori të njëjtin vendim për Shqipërinë por Këshilli vendosi shtyrjen sepse ky është nje vendim politik.
Progres-raporti i bazuar tërësisht në fakte ndonëse nuk i hapi negociatat siç rekomnadohej vitin e kaluar, qeveria vazhdoi punën me procesin Screening. Është raporti më i mirë që ka marrë ndonjehere Shqipëria. Shpreh bindjen se Shqipëria do hapë negociatat brenda vitit 2019 pavarësisht se çfarë bën opozita rrugore. Opozita rrugore u përpoq të minonte këtë process. Progres-raporti është tërësisht objektiv. Arsyeja përse ata janë bërë bashkë është kundërshtia ndaj kësaj reforme”, tha Balla gjatë fjalës së tij në Kuvend.
Ndërkohë nga ana tjetër ka reaguar deputetja Rudina Hajdari e cila akuzoi drejtuesit politik në vend si pengues të integrimit të vendit duke shtuar se vendimi pozitiv i Bashkimit Europian ndaj Shqipërisë do të jepet ndaj qytetarëve dhe jo ndaj klasës politike.
“Integrimi nuk mund të vijë kurrë nga të paintegruarit. Asnjë nga liderët tanë nuk e bind dot BE-në se nuk janë të fokusuar për integrimin e vendit. Jam e bindur se BE do ti përgjigjet pozitivisht interesit të shqiptarëve dhe jo të udhëheqësve të vendit. Teksa qeveritarët fajësojnë BE se kanë krijuar vonesa në këtë proces a thua vallë këtë e dinë se çfarë është integrimi kur nuk bëjnë asnjë ditë punë kur nuk e dinë se cffarë është integrimi por dinë të bëjnë letra dashurie! A thua atë që nuk e dinë çfarë është integrimi por që gënjejnë studentët për kërkesat e tyre”, tha Hajdari.
(F.GJ/FAXWEB.AL)
