Debati për nënën e Skënderbeut, Dritan Hila: Dikur një grek më tha që Skënderbeu ishte grek dhe quhej Jorgo, çfarë bëra unë

Gjatë këtyre është bërë shumë zhurmë lidhur me prejardhjen e nënës së Skënderbeut, Vojsava Kastriotit.

Analisti Dritan Hila, ka reaguar pas gjithë kësaj gjullurdie, duke thënë se nuk është e rëndësishme se çfarë ishin prindërit e skënderbeut, për sa kohë që ishin shqiptarët ata që i dhanë vlerë atij.

“Mos u merrni me budallalleqe se çfare e kishte nenen Skenderbeu. Edhe sikur nene e babe te ishin sllave, ishin shqiptaret dhe komandantet e tyre qe i dhane vlere Skenderbeut. Skenderbeu nuk do ishte ai qe u bë, pa arberit dhe epirotasit. Jo me kot kur shkonte ne Itali per misione, merrte stratiotet e tij dhe jo italianet qe mund ti gjente me shumice ne Apenine. 
By the ëay, dikur nje grek me tha qe Skenderbeu ishte grek dhe quhej Jorgo. Ça te beja une, te rrija ta sqaroja? Jo. I hapa rruge.”, shkruan Hila.

Kujtojmë se e gjitha nisi pas një deklarate të Mustafa Nanos, i cili u shpreh se nëna e Gjergj Kastriotit ishte serbe. Kjo shkaktoi mjaft debate edhe tek dijetarë të tjerë si, Artan Shkreli apo shkrimtari dhe arkeologu Moikom Zqeo, si edhe te profesor Fahri Xharra, të cilët u shprehën kundër Nanos.

Kujtojmë se Nano ka reaguar ndaj replikave përmes një shkrimi, ku shprehet se këtë nuk e ka thënë vetëm ai por edhe shumë dijetarë para tij, një prej tyre edhe Marin Barleti.

“U bë shumë zhurmë lidhur me një thënie timen në një takim me ca studentë të UET-it mbi nënën serbe të Gjergj Kastriotit, alias Skënderbeut. U bë zhurmë, a thua se kjo gjë po thuhej për herë të parë. Në fakt, e kanë thënë edhe të tjerë para meje, pas vitit 1990. E le ta saktësojmë një herë e mirë: nuk kanë bërë ndonjë të pabërë.

Kanë thënë një të vërtetë. Nëna e Skënderbeut ka qenë serbe. Kjo është një tezë që mbrohet nga të gjithë studiuesit, tanimë. Ndër të parët që e ka pohuar këtë gjë ka qenë një shqiptar. Quhet Marin Barleti. Dhe e ka shkruar pak kohë pas vdekjes së Skënderbeut. Nja 30-40 vjet më pas. Tridhjetë-dyzet vjet nuk janë aq shumë sa të komprometojnë besueshmërinë e rrëfimit. Bibla e Kurani, dy librat që besohen më shumë në historinë e njerëzimit, janë “printuar” teksa kish kaluar një kohë pak a shumë e njëjtë prej ngjarjeve që ato rrëfejnë.

Me këtë standard, Marin Barleti si burim historik nuk ka të sharë. Pastaj, pse do duhej të dyshonim ne te Marin Barleti? Ky ka qenë një prift shkodran, e si i tillë “nuk ka pasur asnjë interes” ta nxirrte të papastër origjinën e bashkatdhetarit të vet”, thuhej ndër të tjera në shkrimin e Nanos. (D.D/Shuplaka)