Debati për rastin ‘Dehari’, momenti kur Haradinaj hyn në mes të deputetëve të VV-së dhe PDK-së për t’i ndaluar të përleshen (VIDEO)

Ky është momenti kur kryeministri i vendit Ramush Haradinaj ka hyrë në mesin e deputetëve të Lëvizjes Vetëvendosje dhe Partisë Demokratike të Kosovës për të ndaluar përleshjen që kishte nis mes tyre.
Në interpelancën për Rastin Dehari në Kuvendin e Kosovës, debati i ashpër gati ka eskaluar në përleshje fizike ndërmjet deputetëve të PDK-së dhe atyre të Vetëvendosjes.

Me të dalë ministrja e Integrimeve në foltore deputetët e VV-së kanë trokitur mbi tavolina duke e quajtur ‘kriminele’, ‘kriminele’. Për këtë kryesuesi Xhavit Haliti u detyrua të japë 5 minuta pushim.

Kurti ka kërkuar që të shkarkohet Dhurata Hoxha nga posti që mban sot si Ministre e Integrimeve Evropiane.

Kjo ka ngjallur reagimin e deputetëve të Partisë Demokratike të Kosovës, që vetëm sa nuk janë përleshur me ata të Vetëvendojes. Seanca ka vazhduar, me fjalën e Hoxhës, nën brohoritjet e VV-së.

(B.H/Faxweb)