Akademiku Arben Malaj i ftuar në rubrikën “Opinion” në “News 24”, Malaj ka sqaruar pozicionin e tij në lidhje me debatin e rritjes së çmimit të ujit të pijshëm, në të cilën ai u përfshi ditën e sotme.
Po ashtu ai tha qartë se uji duhet trajtuar si një e drejtë humane, ndërsa thekson edhe njëherë se duhet të ketë strukturim të tarifave, por duke mbrojtur shtresat në nevojë.
“Patjetër që duhet të njihet dhe të sigurohet mbështetje për shtresat në nevojë. Politikat sociale nuk i ofrojnë apo garantojnë kompanitë e shërbimeve por qeveria qendrore dhe lokale. Përfshirja sociale është sot parimi kryesor i çdo reforme, çka në thelb kërkon që të mos goditen shtresat e varfra”, tha Malaj.
Malaj shtoi se politikat e Bashkisë së Tiranës duhet të jenë të tilla që asnjë individ apo familje shqiptare në vështirësi të mos penalizohet.
“Asnjë individ apo familje shqiptare në vështirësi të mos penalizohet por nga ana tjetër në emër të tyre nuk duhen penguar reformat”,- shtoi Malaj.
(S.SH/Shuplaka)
Discussion about this post