Kreu i grupit Parlamentar të LSI-së Luan Rama reagon për debatin midis kreut të grupit parlamentar të PS-së Gramoz Ruçit dhe presidentit të Republikës Bujar Nishani.
Në një deklaratë për mediat, Rama shprehet se po punojnë për të zgjidhur problemin me presidentin Nishani lidhur me procesin e Vettingut.
“Nuk e di çfarë deklarate ka bërë Ruçi në Fier, por ne po punojmë për të zgjedhur problemin e presidentit të Republikës”, tha Rama.
Ndërkohë Luan Rama foli edhe për koalicionin me Partinë Socialiste dhe planet për të kapërcyer krizën politike.
“Plani për të kapërcyer situatën politike, jemi të bindur se vetëm përmes dialogut politik dhe tolerancës, sjelljes qytetare dhe jo arrogancës, është e mundur të kapërcehet situata dhe mospajtimi politik. Ndërkohë lidhur me afatet do përgjigjemi në mënyrë korrekte dhe me përgjegjësi, apeloj për një reflektim të përgjegjshëm dhe për t’ju përgjigjur shqetësimit të partnerëve tanë. (D.D/Shuplaka)
