Debati/ “Vetting për gazetarët”, Hoxha: Mua më kap, se kam udhëtuar me Skënderbeun

I ftuar në emisionin Procesi Sportiv, gazetari Artan Hoxha hodhi idenë e “Vettingut” edhe në futboll, në këto kohë reformash për Shqipërinë.

Në këtë sugjerim, ka ndërhyrë mbrojtësi i Skënderbeut, Tefik Osmani që iu drejtua: “Po, të ketë edhe Vetting edhe për gazetarët”, ndërsa gazetari Artan Hoxha iu përgjigj me batutë: “Mua më kap, sepse kam udhëtuar me ekipin e Skënderbeut”.

Debati Hoxha-Osmani:
Osmani: Thuaja këtyre çfarë më ke thënë pas ndeshjes me Sportingun.

Hoxha: Nuk e mbaj mend, por ma thuaj njëherë se ndoshta kujtohem.

Osmani: Më ke thënë që më ka ardhur keq për lojtarët, pasi arbitri u tall me ju. Na ka takuar të gjithëve pas ndeshjes me Sportingun, ku u mundëm 5-1.

Hoxha: Shumicën e ndeshjeve unë kam udhëtuar me ta, dhe kam qenë jashtë Shqipërie.

Osmani: Ke ardhur para të gjithë lojtarëve dhe na ke mbështetur.

Hoxha: Një nga kriteret e vettingut janë udhëtimet. Unë i kam vetëm sportive, me Skënderbeun. Për 20 vjet nuk do kem mundësi të udhëtoj më me ekip tjetër. Do më kapte edhe mua vettingu.

Osmani: Ke ardhur me ne 80 herë jashtë. Lekët e mëdha i kemi fituar se jemi futur në grupet e Europa Ligës, dhe kemi shitur shumë lojtarë.

(M.Q/Faxweb)