Kryeministri Izraelit Banyamin Netanyahu ka reaguar pas vendimit të qeverisë shqiptare për të dëbuar ambasadorin iranian dhe një diplomat tjetër nga Shqipëria duke i shpallur ‘non grata’.
“Lajme të rëndësishme nga Shqipëria sot. Kryeministri i Shqipërisë, Edi Rama, dëboi ambasadorin iranian nga Tirana. Duke vepruar kështu, Kryeministri Rama i ka dërguar një mesazh të qartë regjimit radikal iranian islamik – se planifikimi i sulmeve terroriste ka një kosto, “postimet e zyrës së Netanyahut në Twitter.
Në një reagim të mëvonshëm shton se “Izraeli qëndron me Shqipërinë, si qëndron me çdo vend që e sheh regjimin iranian për atë që është: kërcënimi më i madh për paqen dhe sigurinë botërore”.
