Një person në Sarandë ka dhunuar dy punonjësit e OSHEE, të cilët po kryenin kontroll tek një subjekti i tij privat.
Punonjësit Elton P. dhe Qani S., të njësisë OSHEE Sarandë ishin duke ushtruar detyrën por kanë hasur kundërshtinë e abonentit, i cili ishte debitor. Ka qenë personi me iniciale E.L i cili ka dhunuar dy punonjësit e OSHEE-së dhe ngjarja ka ndodhur në Ksamil. Plagët e puonjësve duken qartazi në foton e mëposhtme dhe ata kanë shkuar në spital për të marrë ndihmën mjekësore.
Ky është rasti i dytë brenda 24 orëve që dhunohen dhe kërcënohen punonjësit e OSHEE-së. Në Belsh të Elbasanit, ndaj punonjësve tanë u qëllua me çifte nga një debitor, edhe pse ishte njoftuar disa herë. Debitori kishte 3 ditë pa paguar energjinë elektrike.
OSHEE dënon me forcë ngjarjet e ndodhura dhe pavarësisht presionit të vazhdueshëm nga debitorë që nuk duan të zbatojnë lidhin për pagesën e faturave të energjisë, apo të vjedhësve.
Kompania nuk do të ndalë kontrollet deri në vendosjen e plotë të ligjit dhe respektimit të barabartë nga të gjithë, pa asnjë dallim dhe përjashtim! Në tre ditët e fundit, në Sarandë dhe Ksamil janë kryer 50 kontrolle ku u është ndërprerë energjia 202 debitorëve. (J.V/Shuplaka)
Discussion about this post