Një pjesë e mirë e vendit tonë është gëdhirë sot e mbuluar nga dëbora. Gjatë natës pati reshje të dobëta deri mesatare në të gjithë territorin, në bregdet dhe zonat e ulëta ndërsa reshje dëbore, në zonat malore, kryesisht juglindje ku priten deri 20 cm dëbore.
Por kjo situatë do të vijojë edhe gjatë ditës së sotme ku vranësirat, reshjet e shiu dhe dëborës do të bien në pjesën më të madhe të vendit. Pjesa e dytë e së enjtes paraqitet me kthjellime dhe vranësira kalimtare, më të dukshme vranësirat do të jenë në zonat Veriore.
Situata në Korçë:
I gjithe qarku juglindor mbulohet nga bora. Rreshjet intensive kanë bërë që trashesia e borës të arrijë deri 25 cm në fshatin turistik të Dardhës dhe në qafën e Qarrit. Në segmentin Qafë Thanë-Kapshticë bora është 8-10 cm. Akset Korçe-Dardhë, Korçe-Voskopojë, Korçe -Ersekë të kalueshme me zinxhirë. Aksi Qafë Thanë-Kapshticë pjesërisht me zinxhirë. (J.V/Faxweb)
Discussion about this post