Defender rikthehet për herë të dytë në Shqipëri/ Kim: Qëndrojmë krah për krah me ju! Rama: Nuk kemi qenë kurrë më të respektuar sesa kaq

Ka nisur në Shqipëri stërvitja më e madhe ushtarake në Europë, Defender 2023. Kjo është stërvitja e përbashkët shumëkombëshe, e cila drejtohet nga Komanda Europiane e SHBA, ku do të demonstrohen aftësitë ndërvepruese të Shteteve të Bashkuara me ushtritë aleate dhe partnere të NATO-s.

Në fjalën e saj në këtë ceremoni, ambasadorja Kim tha se Shqipëria dhe SHBA-të kanë një partneritet strategjik mes tyre.

“Ky është një moment i jashtë, jemi me fat që kemi këtu, në një shesh të përdor nga një diaktat brutal i përkushtuar për ta izoluar Shqipërinë nga bota, shqiptareve u tha se SHBA ishin armiqtë e tyre.

Shikoni përreth jush, një Shqipëri e ndryshuar dhe kjo është historike, ja ku jemi në një Shqipëri demokratike, të rrethuar nga burra dhe gra me uniformë nga SHBA, Shqipëria e partnerët ndërkombëtare, jemi këtu si aleat miq dhe partner, amerikanë dhe shqiptarë që qëndrojnë krah për krah, dikur të ndarë veçmas, tani aleatë të NATO-s dhe partnerët më të afërt ushtarak.

Në dy vite që prej Defender 2021, bota ka ndryshuar, Shqipëria dhe aleatët tanë të NATO-s janë më të bashkuar dhe më të fortë se kurrë. Nuk mund të mos kujtoj fjalët e Skënderbeut, bashkimi bën fuqinë. Që nga Defender 2021, Shqipëria dhe ShBA po bëjnë më shumë se kurrë më parë së bashku. Kemi ngritur dy pranitë e para ushtarake të ShBA në historinë e Shqipërisë.

 Defender 2023 do të na tregojë se së bashku me aleatët dhe partnerët ne mund të kryejmë çdo mision, për burrat dhe gratë me uniformë ju falënderoj për shërbimin që zgjidhët të mbroni vendin tuaj, të na mbroni ne. Jemi krenar që e quajmë Shqipërinë aleate dhe mike“, tha Kim.

Ndërkohë kryeministri Edi Rama, falënderoi SHBA-të për mbështetjen e vazhdueshme ndaj Shqipërisë, ndërsa përmendi dhe aeroportin ushtarak që pritet të ndërtohet në Kuçovë.

“Ne kemi nderin që të presim për të dytin vit me radhë këtë stërvitje që është më e madhja e bërë në Europë. Shqipëria nuk ka qenë kurrë më lart në nivelin e respektit ndërkombëtar dhe sot e ulur në tryezën e Këshillit të Sigurimit, ka në krah Shtetet e Bashkuara të Amerikës. Zhvillimi i kësaj stërvitje është shprehje e Unitetit për të mbrpjtur me cdo kusht vlerat dhe parimet me të cilat funksionojnë shtetet tona. Jemi të lidhur pazgjidhshmërisht me ato vlera dhe parime që janë të shkruara po njësoj për secilin prej nesh”, tha Rama.