Pas deklararës së kreut të Vetëvendosjes Albin Kurti, i cili ndërsa i cilësonte presidentin e Kosovës Hashim Thaçi dhe homologun e tij serb Aleksandër Vuçiç si autokratë që i trajtonin dy shtetet si prona të tyre ku u shpreh se “Tash ka mbetur që djali i Thaçit të martohet me vajzën e Vuçiçit”, ka ardhur dhe përgjigjia e ashpër e djalit të Hashim Thaçit.
Endriti, në një reagim në rrjetet sociale ka shkruar se e falënderon Albin Kurtin për këtë ofertë, mirëpo ai do ta presë vajzën e Kurtit për martesë deri sa të rritet.
“Faleminderit për ofertën tënde Albin. Kam durim që ta pres çikën tënde të rritet dhe të flasim për fatin tonë, por e kam një problem… Ajo duhet të ketë çështje primare identitetin, kombin shqiptar dhe jo atë malazez”
“E kuptoj që origjina nuk harrohet dhe nuk mund ta kuptoj gjuhën tuaj Kurtoviçi nga Vlladimiri”, ka shkruar djali i presidentit Thaçi, Endriti.
“Presidenti që gjashtë vjet duke dialoguar me Serbinë, mirëpo pa sukses. As nuk u shpërbënë strukturat e Serbisë, as nuk u kthyen të pagjeturit e as për dëme të luftës nuk është bërë asgjë. Pas negociatave të pasuksesshme, Presidenti po pretendon që ka shkop magjik dhe të zgjidh problemin. Thaçi dhe Vuçiq po e trajtojnë shtetin e Kosovës po si shtetin e tyre,popullin si familje të tyre që shtypin dhe territorin si tokën private.
Dhe këta të dy autokratë, po merren vesh në mënyrë feudale na kanë kthyer në mesjetë. Veç ka mbetur që djali i Thaçit të martohet me vajzën e Vuçiqit dhe të kthemi si përpara, në mësjetë. Shkuarja e Thaçit pa mandat është sulm mbi demokracinë dhe Republikën tonë”, kishte deklaruar sot Albin Kurti. (B.H/Faxweb)
