Dëgjesa publike, Kryemadhi: Përgëzoj këshilltarët e LSI-së për kurajon, treguan se më shumë se kartoni dhe karriget në këshill ka rëndësi shërbimi ndaj qytetarëve

Pas dëgjesës publike të kryebashkiakut të Tiranës Erion Veliajt, me këshilltarët e këshillit bashkiak, ka reaguar kryetarja e Lëvizjes Socialiste për Integrim, Monika Kryemadhi.

Kryetarja e LSI-së përgëzon grupin e këshilltarëve të kësaj force politike, në bashkinë e Tiranës.

“Përgëzoj sot për kurajon dhe vendosmërinë grupin e keshilltarëve të LSI-së në Bashkinë e Tiranës. 
Më shumë se çdo aksion politik, sot është e rëndësishme të ravijëzohet një opozitë e vërtetë dhe konstruktive, pa kompromise dhe interesa të mëdha a të vogla.

Shqipëria sot ka nevojë për një opozitë që lufton dhe përpiqet për qytetarët dhe jo për partitë politike. Këshilltarët e LSI-së treguan sot se më shumë se kartoni dhe karriget në këshill ka rëndësi shërbimi ndaj qytetarëve, se më shumë se opinioni i grupeve të ngushta të interesit është parësor shërbimi ndaj qytetarëve. Ky është dhe do të mbetet qendrimi yne!”, shkruan Kryemadhi.

Kujtojmë se këshilltarët e LSI-së kërkuan sot rimbursim të familjeve në nevojë si edhe diferencim të bizneseve, në rast të rritjes së çmimit të ujit. (D.D/Shuplaka)